Kryeministri i Kosovës, Isa Mustafa foli në një konferencë për media për rrëzimin e murit në pjesën veriore të Mitrovicës.
Sipas Mustafës çdo hap që ka ndërmarrë e ka bërë në përputhje me ligjin dhe me planet hapësinore.
Ai ka thënë se për orë e ditë të tëra kanë zhvilluar takime me Goran Rakiq, përfaqësues ndërkombëtarë.
“Muri sot është rrënuar. Ndërkaq, ajo pjesë e sheshit do të rehabilitohet në përputhje me projektin e BE-së dhe në përputhje me të gjitha kriteret dhe ligjet e Kosovës. Përfaqësuesit e zgjedhur politik të qytetarëve janë ulur së bashku me praninë e miqve ndërkombëtar dhe e kanë zgjidhur këtë çështje bazuar në ligjet e Kosovës. Do të bëjmë përpjekje maksimale që çdo problem ta zgjedhim në mënyrë sa më të urtë”, ka shtuar ai.