Lëkundjet e tokës dhe shpërthimet e herë pas hershme në zonën e Patosit dhe Fierit, kanë shtyrë policinë e shtetit të bëj kallëzim në prokurori.
Abc News ka mësuar se prokuroria e Fierit ka nis hetimet për lëkundjet e tokës në komunën e Zharrzës dhe pjesëve të tjera të zonës së Fierit. Ky hetim, thonë burimet ka nisur pasi policia e shtetit ka referuar një material shpjegues, referuar edhe në disa dëshmi të banorëve të cilët pretendojnë se lëkundjet e tokës vijnë si pasoj e shpërthimeve nëntokësore që kryejnë kompania e nxjerrjes së naftës në atë zonë.
Në kallëzimin e policisë, që prokuoria e ka regjistruar si procedim thuhet se kërkohet të hetohet nëse lëkundjet e tokës në komunën e Zharrzës dhe zona të ndryshme të Fierit janë tërmet apo shkaktohen nga shpërthimet nëntokësore të kompanisë Bankers Petrolium. Ky hetim, thuhet nga burimet e prokurorisë ka nisur pikërisht në kohën kur disa banor të zonës së Zharrzës hynë në grevë urie, të cilët pretendojnë se po i shkatërrohen shtëpitë si pasoj e shpërthimeve nëntokësore.
Për të provuar nëse lëkundjet janë tërmet apo vijnë nga shpërthimet nëntokësore, mësohet se prokuroria ka vendosur të caktoi një grup ekspertësh të institucioneve të ndryshëm për të bërë verifikimin në teren. Veç kësaj, mësohet nga prokuroria se pas kallëzimit të policisë, janë marr edhe dëshmitë e disa banorëve të zonës të cilët vazhdojnë të këmbëngulin se lëkundjet e tokës vijnë si pasoj e shpërthimeve nëntokësore të kompanisë Bankers Petrolium. Nga ana tjetër, prokuroria rreth 1 viti më parë, ka pushuar hetimet për kompaninë Bankers Petrolium në lidhje me shpërthimet në zonën e komunës së Zharrzës, ku u dëmtuan disa banesa.