Shqiptari Kristian Marku, 24 vjeç ka mohuar vrasjen e rumunes Alina Roxana Ripa. Sipas mediave italiane Marku ka dalë dy ditë më parë para gjykatës së Salentos në Itali, ku ka mohuar çdo akuzë që rëndon ndaj tij.
Ai ka thënë se, asnjë herë nuk është marrë me prostitucion dhe se nuk ka lidhje me vrasjen e prostitutës rumune Alina Roxana Ripa, siç akuzohet nga prokuroria.
Marku është mbrojtur duke thënë se nuk ka patentë dhe as makinë, që të mund të ndiqte prostitutat.
24-vjeçari Marku është arrestuar së bashku me 36-vjeçarin tjetër shqiptar Ildir Kadiu, pas urdhër-arresteve me burg, në lidhje me vrasjen e prostitutës rumune. Kadiu ka ushtruar të drejtën e heshtjes para gjykatës, raportojnë mediat lokale.
Kufoma e Alina Roxana Ripa-s u gjet më 31 dhjetor 2015.
