Një familje shqiptare në Athinë mbeti e masakruar pas mesnate më 4 shkurt.
Një i afërm ka raportuar për JOQ.al se hajdutët kishin hyrë për të vjedhur dhe më pas i kishin masakruar.
“Në shtëpinë e një të afërmit tim në Greqi u futën për të gjetur lekë dhe mbasi vodhën, i vranë gruan ndërsa të afërmit tim i gjuajtën në kokë me pistoletë. Ai është ende gjallë por pritet të vdesë o sot o nesër. E gjithë kjo masakër u bë në prezencën e dy fëmijëve. Fëmijët thonë se folën shqip dhe se janë shqiptarë kafshët që bënë masakrën. Autoritet akoma s’i kanë kapur”, – shkruan i afërmi.
Duke folur për gjendjen shëndetësore të kryefamiljarit, Z.Halitaj, ai shprehet : “i është hapur koka më dysh dhe vetëm zemra i punon me aparate. Mjekët thonë se pritet të vdesë o sot o nesër”.
Djali 27 vjeçar i kësaj familje, i cili sikurse edhe vajza 17 vjeçare kanë parë çdo skenë makabre që të pashpirtët kanë kryer mbi nënën dhe babanë e tyre, është me probleme mendore, ndaj është e vështirë që prej tij të mund të mësohet diçka më shumë mbi autorët. Djali 27-vjeçar është me të meta mendore dhe tani e kanë shtruar në spital psikiatrik. S’jep dot asnjë informacion për vrasësit edhe pse pa çdo gjë”, – tha për JOQ.al familjari, duke shtuar se vajza e mitur ndodhet në gjendje shumë të rënduar psikologjike.
Mëngjesin e djeshëm autorët e krimit qëlluan me pistoletë në kokë gruan 50 vjeçare dhe burrin e saj 50 vjeç, ndërsa e prenë me mjete prerëse në fytyrë djalin e tyre 27 vjeç.
