Kryeministri Edi Rama kreu sot homazhe në nderim të shkrimtarit të ndarë nga jeta Dritëro Agollit.
Ajo që ra në sy ishte fakti që shefi i ekzekutivit në ceremonial shtetëror të organizuar nga Këshilli i Ministrave u paraqit me një veshje jozyrtare. Ku spikasnin pantallonat si tirqe apo poture dhe bluza e bardhë.
Në ceremonialin shtetëror Rama mbajti një fjalë në nderim të Agollit.
Ai tha se me vetëdije kishte dashur t’i shmangej “lustrave” dhe ndiente sakëlldi prej tyre sot, sepse vetë shkrimtari, vjershëtari aq popullor, nuk i pëlqente ato.
“Po të mos më shtrëngonte detyra, do t’i bëja bisht sakëlldisë së këtushme, lustrave, – tha Rama ndër të tjera. – Sakëlldia ma sjell mua afër para syve atë dikushin e madh, atë kreshtën e bardhë, fytyrën si të rrahur nga të gjitha erërat, një gotë në dorë dhe sytë sikur më thonë: “Ore, ç’po thua? Ç’është kjo mbledhje ku jeni mbledhur të flisni mirë për mua?!” Ne këtu veç flasim e flasim për Driteroin që ka ikur përgjithnjë, pasi i tha të gjitha. Por këtu është Sadija…”, tha Rama.
