Dëshmitari i mbrojtur nga shteti në çështjen e CEZ, Romeo Kara vetëm pak muaj më parë ka masakruar motrën e tij duke e qëlluar me shkelma e grushte.
Pas kësaj ngjarje, çështja ka përfunduar në gjykatë, e cila ka urdhëruar që Romeo Kara nuk duhet ti afrohet më shume se 100 metra motrës së tij, të cilën e ka masakruar në banesën e saj, shkruan Gazeta Shqiptare.
Bëhet fjalë për një ngjarje të ndodhur pak muaj më parë në Tiranë dhe viktimë e dhunës shtazarake ka mbetur Eglantina Shtylla, e cila më pas ka kërkuar mbrojtje nga shtetit, për shkak të asaj që i kishte bërë vëllai i saj, i cili sot është dëshmitar i mbrojtur.
Pasi ka marrë padinë, gjykatësja Kaçe Agolli në muajin shtator të vitit të kaluar ka vlerësuar dhe vendosur një masë mbrojtje për Shtyllën, duke e urdhëruar Romeo Karajn që të mos afrohet më shumë se 100 metra, ndërsa sipas vendimit ai ka konsumuar veprën penale të dhunës në familje.
Shkak për këtë sherr mendohet se është konflikti për banesën.
Romeo Kara, ish-jurist i CEZ tani është dëshmitari i mbrojtur i shtetit në këtë çështje. /GSH
