Disa punonjës kanë mbetur të shtangur pasi konstatuar disa eshtra, teksa gërmonin në oborrin e një banese të vjetër pranë zonës së Medresesë në kryeqytet.
Ngjarja ka ndodhur rreth orës 08:00 të një dite më parë, në rrugën “Besim Fagu”, bëjnë me dije burime nga policia.
Paraprakisht, eshtrat (që janë sekuestruar në cilësinë e provës materiale) dyshohet se mund te jetë nxjerrë nga ndonjë varr i vjetër gjatë gërmimeve për punimet e rrugës, shtojnë të njëjtat burime.
Materialet për këtë rast u referuan në Prokurorinë e Rrethit Gjyqësor Tiranë, për vlerësim.
