Kryetari i PD-së Lulzim Basha u ka premtuar sot investitorëve italianë se do të jetë në krahun e tyre dhe do të ndërtojnë një histori suksesi dhe prosperiteti.
Basha ka zhvilluar një takim të posaçëm me investitorë të huaj, kryesisht italianë, ku nuk kanë munguar akuzat ndaj qeverisë.
Basha iu ka prezantuar investitorëve italianë me detaje programin ekonomik të Partisë Demokratike me të cilin synon të vijë në qeverisje në qershor 2017 dhe veçanërisht, planin për tërheqjen e investimeve të huaj.
“Jam këtu për t’ju garantuar se unë dhe qeveria ime do të jemi në krahun tuaj dhe do të ndërtojmë një histori suksesi dhe prosperiteti për Shqipërinë dhe shqiptarët,” tha Basha.
Sot, siç dëshmojnë të gjitha anketat e biznesit gjerman, investitorët italianë përfshirë, vuajnë nga një ekonomi ku mungon liria, nga një treg i deformuar dhe qeveri klienteliste dhe e korruptuar.
Katër vjet më parë qeveria rriti taksat dhe shumica shkoi për koncesione monopoliste që asfiksuan mundësitë e ekonomisë për vende pune.
Me pretekstin për të bërë shtet, tatimorët iu kanë krijuar vështirësi të paimagjinueshme investitorëve të huaj.
Përgjigja kryesore se cila ishte pengesa kryesore e të bërit biznes në Shqipëri sot ishte: Qeveria!
Ne do ta heqim këtë pengesë. Qeveria do të jetë në krahun tuaj me rregulla të lehta dhe të drejta, një qeveri e vogël.
Jam shumë mirënjohës të ndaj me ju sot mundësitë, vizionin që unë dhe PD – padyshim ekipi më i mirë ekzitues në Shqipëri me ekspertë vendas dhe të huaj – kemi hartuar për politikat ekonomike dhe fiskale.
Konçensionet do të anullohen: 400 milionë euro në vit, para që iu paguhen 5-6 klientëve.
Ky është programi ekonomik me taksat me të ulëta në historinë e demokracisë dhe vendos gjithçka në mbështetje të sipërmarrjes së ndershme.
Koha nuk pret më, Shqipëria po pret për ndryshim dhe unë ju ftoj që të bëhemi pjesë e këtij ndryshimi: Investitorët e huaj, investitorët italianë në veçanti!
