Ish-kryeministri Sali Berisha ka reaguar në lidhje bastisjes e makinës së ministrit të Mjedisit Lefter Koka dhe shoqërimin e badigardit të tij, ndërkohë që në makinë ndodhej bashkëshortja e ministrit të LSI-së.
Në një status në “Facebook”, Berisha thotë se policia e “Edvin Shullazit mori peng Lefter hanemin dhe se kjo ka ndodhur pas deklaratave bombë të ministrit Koka për lidhjet e policisë dhe qeverisë me krimin.
Në lidhje me arsyet, Berisha thotë “Për t’i thyer turinjtë Lefterit apo për të zbatuar porosinë e tyre, për të cilën Petrit Vasili paralajmëroi deputetët”.
“Fol po deshe Lefter! Se unë jam Edvin Shullazi! Të marrim hanëmin peng!
Të dashur miq, vetëm 5-6 dite pas deklaratave bombë të ministrit Koka për lidhjet e policisë dhe qeverisë me krimin, të cilit Rama iu përgjigj me shprehjen “qentë le të lehin karvani shkon përpara”, dje pasdite policia shoqëroi në kundërshtim me çdo ligj, pra mori peng Lefter hanemin. Tani, e kishin për t’i thyer turinjtë Lefterit apo për të zbatuar porosinë e tyre, për të cilën Petrit Vasili, paralajmëroi deputetët apo për të dyja këtë gjejeni vet?!”, shkruan Berisha.
