I pyetur rreth nisjes së ‘krisjes’ së marrëdhënieve me ambasadorin amerikan, Donald Lu, kreu i akuzës në vend, Adriatik Llalla ka zgjedhur të flasë hapur për një çështje paksa delikate atë të ‘Bankers Petrolium”.
Llalla foli hapur për një regjistrim që ka bërë në lidhje me këtë çështje ku në zyrë ka takuar Lu-në dhe një biznesmen kanadez. “Gjithçka ka nisur me shpërthimet që kanë ndodhur në Patos Marinzë, nga Bankers Petroluium. Prokuroria nisi hetimet. Një ditë më parë vjen në zyrën time një biznesmen i hidrokarbureve që më thotë mos të vijojë hetimi se ngjarja ishte aksidentale. E lidhte puna me Bankers. Ai më tha se nëse s’do e zgjidhja, të nesërmen në zyrën time do vinte ambasadori Lu. Emrin dua ta mbaj konfidencial. Biseda është e regjistruar. Çuditërisht të nesërmen Lu kërkon takim me mua. Erdhi i shoqëruar nga presidenti i Bankers Petroleum me të njëjtin qëndrim që të mbylleshin hetimet dhe se kjo ngjarje do dëmtonte imazhin e Shqipërisë. Unë mbajta qëndrim që do vijoj hetimet.”, tha Llalla.
