Shefi i qeverisë, Edi Rama bëri me dije mbrëmë në një emision televiziv se nuk do të marrë pjesë në mbledhjen e Këshillin e Sigurisë Kombëtare të thirrur nga presidenti Nishani me kërkesë të kryetarit të kuvendit, Ilir Meta për mosarrestimin e Kelment Balilit.
Pas kësaj deklarate të kryeministrit erdhi sot reagimi i opozitës.
“Çfarë di Edi Rama për Klement Balilin që refuzon të japë informacion? Pse ka frikë Edi Rama të ballafaqohet? A po e mban peng Klement Balili, Edi Ramën? Klement Balili është dëshmi e kontrollit të krimit mbi qeverinë, është dëshmi e bashkqeverisjes së Edi Ramës me krimin”, pyet nënkryetari i PD, Edi Paloka.
PD thtoë se Ramën e solli në pushtet krimi dhe me krimin po e mban pushtetin dhe përmes krimit shpreson ta rimarrë atë.
“Ne nuk mund ta lëmë vendin peng të krimit, peng të Rames, Balilëve, Habilëve, Tahirëve, Lul Berishës, Shullazit, ndokëve, roshëve, bushëve, etj”, tha Paloka.
PD u bëri thirrje qytetarëve t’i bashkohen protestës masive të 18 shkurtit për “të ndalur këtë të keqe e për t’i hapur rrugë zgjedhjeve të lira dhe të ndershme”, sic u shpreh Paloka.
