Berisha ka akuzuar deputetin e PS, Erion Braçen si të lidhur me biznesmenë mafiozë të Lushnjes. Përmes një statusi në Facebook, Berisha publikoi mbrëmë një mesazh të ardhur nga “qytetari dixhital” në adresë të ish-kryeministrit.
“Po te shkruaj nga adrese fallco se me then te drejten me bandat e tyre jane te rrezikshme. une jam ish socialist berish i dashur ,jetoj ne lushnje ,pyete pak miun erion bracen se me ke shoqerohet ne lushnje?? ne sta thote ai ta them une ,ai shoqerohet me julian sules ose juli pashakos i thone. A e di ti se kush eshte juli pashakos??? te egzekuton direkt, mik me shullazin dhe neper lushnje bredh me 2 pistoleta ne brez!!po kush po merr masa???!erioni meqe ra fjala i ka dhene license per perpunimin e naftes nje tjeter gangsterri ne lushnje, pronarit te eldon park dhe lushnja helmohet cdo nate !! aman pyete erionin nese sme beson pyet te besuarit e tu ne lushnje ata ta vertetojne”, shkruhet në mesazh.
Pas kësaj akuze reagoi sot nga foltorja e Kuvendit këtë akuzë ka reaguar sot në Kuvend deputeti socialist.
Sipas Braçes, pronari i Eldon Park ka lidhje me Partinë Demokratike. Madje Braçe publikoi edhe një foto të Edmond Spahos në ditën e themelimit të PD-së në hotelin e Eldon Park.
“Unë nuk njoh asnjërin nga këta të dy persona. Në Lushnje kam 9 muaj pa shkuar sepse më mjafton puna ime në Divjakë. Sfidoj Berishën, të birin, të bijën që të gjejnë qoftë edhe vetëm një foto a një dëshmitar që të thotë ndryshe nga këto që them unë dhe unë dal nga Parlamenti. Sali Berisha duhet ta ndajë ky i Eldon Parkut është krimineli im apo i Edmond Spahos? Janë në foto në sallën kryesore të Eldon Parkut në datë 21 Janar duke festuar përvjetorin e disatë të themelimit të Partisë Demokratike në Lushnje. Ti palaço rregullo gjuhën se e di si e pëson apo jo. Ndajeni mendjen e keni tuajin këtë të Elton Parkut apo ky është krimineli im?”, tha Braçe.
