Akuzat e bëra publike menjëherë pas shkarkimit nga ana e Ylli Manjanit, kanë bërë që të nisin hetimet e Prokurorisë së Përgjithshme.
Kështu ka deklaruar Prokurori i Përgjithshëm Adriatik Llalla në studion e “Opinion” ku tha se deklaratat dhe akuzat e bëra nga Manjani pas shkarkimit ka vënë në punë organinin e akzuës që ka nisur hetim.
Siç shpjegoi Llalla, është regjistruar procedimi penal lidhur me akuzat e Manjanit se më 30 Dhjetor janë marrë vendime qeverie pa praninë e ministrave në mbledhje. Llalla tha se nuk ka frikë të hetojë asnjë nga zyrtarët e lartë dhe këtë do ta tregojë shumë shpejt me fakte.
“Nuk kam frikë t’i hetoj. Në rastin konkret ne nisëm hetimet që normalisht duan kohën e vet. Është regjistruar si procedim penal. Do të përballemi me problematika në sekuestrimin e dokumenteve, por do i shkojmë deri në fund.” tha Llalla
