Komisioni i punëve të jashtme të Parlamentit Europian aprovoi me 52 vota pro, 6 kundër dhe 4 abstenim draft -rezolutën e raportuesit Knut Fleckenstein për vendin tonë.
Raportuesi Knut Fleckenstein është shprehur pas aprovimit të draftrezolutës, se hapja e negociatave mund të ndodhë vetëm pas zgjedhjeve dhe sapo të zbatohet ligjit i veting. Në këtë kuadër është aprovuar amendamenti i veçantë i raportuesit në hije Ilhan Kyutchyuk, ku thuhet se e drejta e kushtetuese e 2 milion shqiptarëve që jetojnë jashtë Shqipërisë nuk po respektohet në këto zgjedhje dhe u bën thirrje autoriteteve që të mundësojnë votimin e shqiptarëve që jetojnë jashtë vendit.
Pikërisht votimi i emigrantëve është një prej kërkesave të opozitës për reformën zgjedhore, të cilën mazhoranca nuk e ka pranuar.
Kurse dy amendamente të tjera të aprovuara gjatë votimit bëjnë thirrje për dialog konstruktiv midis qeverisë dhe opozitës, si thelbësor për përparimin e vendit dhe reformave të integrimit.