U mbajt sot në Colmar të Francës seanca ndaj kreut të AKK, Ramush Haradinaj. Ku gjykata dëgjoi pretendimet e palës serbe dhe shqyrtoi dosjen për ekstradimin e Haradinajt. Pas seancës, avokati i Haradinajt tha se pritet që vendimin përfundimtar, gjykata ta japë më 9 Shkurt.
Seanca gjyqësore nisi në orën 11:00.
Ish-kryeministri Haradinaj po mbahet nën masën e lirimit me kusht, mbi bazën e një procesi që po zhvillohet ndaj tij nga autoritetet franceze, që bazohet në një urdhër-arrest të lëshuar nga Serbia përmes Interpol.
Ai është u ndalua nga autoritetet franceze më 4 Janar të këtij viti.
Drejtësia serbe kërkon ekstradimin e tij në Serbi. Por, Haradinaj, në një intervistë për Radion Evropa e Lirë u shpreh besimplotë se aktakuza ndaj tij është e motivuar politikisht nga autoritetet serbe dhe si e tillë do të hidhet poshtë nga gjykata franceze.
