“Koha për zgjidhje institucionale po mbaron me shpejtësi dhe po vjen koha për aksion politik mbarëqytetar”. Ka qenë ky paralajmërimi që bëri kryetari i PD-së, Lulzim Basha, pas mbledhjes së grupit demokrat, lidhur me kërkesën e PD-së për futjen e votimit elektronik në zgjedhjet e 18 qershorit.
Më herët Basha priti në takim kryetarin e pranisë së OSBE në Tiranë, Bernard Borchardt dhe ambasadorin e Shteteve të Bashkuara të Amerikës, Donald Lu, ku u diskutua mbi zhvillimet më të fundit politike në vend dhe zgjedhjet parlamentare.
Selia blu tha se Basha u bëri të qartë ambasadorëve se opozita është e vendosur të bëjë gjithcka për të siguruar zgjedhje të lira e të ndershme.
“Votimi dhe numërimi elektronik, tha Basha, është e vetmja rrugë për kthimin e besimit tek vota e lirë. Të njëjtën rëndësi për të siguruar zgjedhje të lira, shtoi Basha, ka edhe zbatimi i dekriminalizimit, liria e medias, dhe transparenca mbi financat e fushatës zgjedhore. Zgjedhjet e lira e të ndershme, janë një nevojë jetike për stabilitetin dhe të ardhmen e Shqipërisë, theksoi Basha.
