Kreu i Shtetit, presidenti Bujar Nishani do të mbledhë Këshillin e Sigurisë Kombëtare ditën e premte, më datë 3 shkurt 2017, ora 12.00, në Institucionin e Kreut të Shtetit.
Mësohet se mbledhja ka si objekt mosarrestimin e Kelmend Balilit, pas letrës që ka bërë kreu i Kuvendit Ilir Meta, ku shprehu shqetësimin për punën e policisë që deri tani ka dështuar për kapjen e trafikantit të shumëkërkuar.
Këshilli i Sigurisë do të mblidhet për faktin përse “Escobari i Ballkanit” nuk arrestohet edhe pse është në kërkim prej disa muajsh me kërkesë të autoriteteve greke për trafik droge.