Tensioni PS-LSI pritet të përshkallëzohet javën që vjen, pasi ministrat e LSI do të mblidhen me një qëndrim të përbashkët për rolin e policisë në zgjedhjet e pritshme dhe luftën antikanabis. Ditët e fundit, të paktën 3 përfaqësues të LSI kanë artikuluar akuza publike për punën e drejtuesve të policisë së Shtetit duke i quajtur bashkëpunëtorë në krim.
4 ministrat e LSI pritet të mblidhen të hënën në selinë e LSI për të koordinuar një qëndrim ultamativ ndaj kryeministrit Rama në lidhje me sjelljen e policisë dhe ministrit të Brenfdshëm, Saimir Tahiri.
Burime nga LSI thanë për Lapsi.al se kjo parti pret një reflektim nga Rama për këtë cështje. Nga përgjigja dhe qëndrimi I Ramës për kërkesat e LSI ndaj ministrit të Brendshëm, mund të varet edhe e ardhmja e koalicionit aktual dhe vendimi për aleancën e ardhshme të 18 qershorit. Nuk dihet si do të evulojë ky ngërc, por kryeministri duket se ka vendosur ta mbrojë dëri në fund ministrin Tahiri. “Qentë le të lehin shkruajti”,ai. Ndërsa vetë Tahiri e bëri LSI pjesë të “frontit të së keqes”, me një status të shkurtër në Facebook.
