Ben Blushi ra reaguar në një status në faqen e tij në Facebook ku thotë se vendimi i Greqisë për të dënuar ushtarët vetëm se bënë me duar simbolin e shqiponjës dy krenare, është i ulët dhe racist.
Reagimi vjen pasi Shtabi i Përgjithshëm i Ushtrisë Greke vendosi sot se 7 ushtarët shqiptarë që bënë shqiponjën do të dënohen me nga 60 ditë burg.
Statusi i Nismëtarit të partisë “Libra” në Shqipëri, në Facebook:
“Standardi i padrejtë i Greqisë. Nëse ushtarët që janë fotografuar me simbolin shqiptar burgosen, ky do të ishte një standart shumë i ulët dhe racist i ushtrisë greke. Shqipëria dhe Greqia janë antëare të NATOS që do të thotë se në rast rreziku duhet te luftojnë nën të njëjtin flamur. A do arrestoheshin ushtarët grekë nëse do dilnin në foto me simbole franceze,gjermane apo angleze? Sigurisht që jo. Greqia po i ndëshkon ushtarët si shqiptarë dhe jo si qytetarë të lirë, çka është e padrejtë dhe e papranueshme!”, shkruan Blushin në një status në rrjetin social Facebook.