Në emër të PD, deputeti Eduard Halimi tha sot në Kuvend se futja e votimit dhe numërimit elektronik është domosdoshmëri për zgjedhje të lira dhe të ndershme në qershor.
“Beteja për votim dhe numërim elektronik nuk është betejë për pushtet as mes Bashës, Ramës e Metës, por beteje për votim të lirë, për qytetarët që të votojnë të lirë pa futur pushteti duart e pista. Kjo do të jetë një betejë dhe mision politik që opozita do ta vazhdojë. Koha e limituar është vetëm alibi”, tha Halimi.
Pas tij fjalën e mori Gramoz Ruçi, kreu i Grupit të PS, i cili hodhi poshtë mundësinë e votimit dhe numërimit elektronik në zgjedhjet e ardhshme.
“Thua se nuk keni qënë ndonjëhërë në pushtet ju për ta bërë votimin dhe numërimin elektronik! Po ne jua kërkuam – jo votimin, por numërimin elektronik – 2 vjet para zgjedhjeve, dhe nuk qetë në zgjedhje ta realizonit! Atë që nuk qetë në gjendje ta realizonit ju e kërkoi tani tre muaj para zgjedhjeve sepse ju e dini që nuk bëhet. E gjitha kjo është alibi e jua them pse: Kodin e keni bërë vetë siç keni dahsur dhe kemi dhe në faj për këtë çështje, sigurisht; kartat e identitetit i keni bërë vetë; kompanisë i keni dhënë konçensionin vetë; për kartat e identitetit këtu z.Berisha ka mbajtur fjalime patetike se janë më të sigurtat në botë dhe unë s’i besoja, por paska pasur të drejtë. Thoni tani se s’keni besim tek komisionerët. Ndaj i them z.Berisha: Si nuk paskeni besim tek komisionerët tuaj?!”, tha ai.
