Një 27-vjeçar shqiptar është dënuar me 3 vite e tetë muaj burgim nga një gjykatë në Toskana të Italisë, pasi plagosi një tjetër shqiptar, duke e goditur me thikë në bark.
Sipas medias italiane i akuzuari, është dënuar me gjykim të shkurtuar për tentativë vrasje kundër bashkatdhetarit.
Raportohet se Fation Skandi, i cili punonte dhe jetonte në Sesto Fiorentino u përfshi në një sherr gjatë festës së Vitit të Ri, e organizuar nga komuniteti shqiptar në një diskotekë.
Sherri përfundoi me plagosjen e tre shqiptarëve nga Skandi, një prej të cilëve rrezikoi edhe jetën.
Ngjarja ka ndodhur për arsye sentimentale dhe se Skandi dyshonte se një nga tre të plagosurit kishte lidhje me të dashurën e tij.
Mësohet se autori u arrestua disa javë më vonë nga karabinierët e Pratos. Ai u vu në pranga në aeroport, pasi kishte planifikuar të merrte avionin dhe të shkonte në Shqipëri.
