Shqiptari i arrestuar në Austri Lorenzo K. ka pranuar se kishte ndërtuar një bombë eksperimentale për ta vendosur në metronë e Vienës.
Ministri i Brendshëm i Austrisë, Wolfgang Sobotka deklaroi sot për mediat se 17-vjeçari shqiptar ishte takuar në Gjermani me një tjetër të dyshuar, i cili gjithashtu është arrestuar.
Ministri Sobotka u shpreh se adoleshenti nga Shqipëria që jeton në Vienë kishte thënë për hetuesit se bombën artizanale e ndërtoi duke parë video në internet.
Zyrtarët e Ministrisë së Brendshme austriake thonë se Lorenzo K. ishte në kontakt me qarqet radikale islamike shqiptare. Ndërsa avokati i të riut mohon që 17-vjeçari të ishte duke planifikuar një sulm terrorist.
