Një person ka ndërruar jetë pasi është vetëdjegur në Sarandë. Nuk dihen motivet e kësaj ngjarjes të rëndë, por nga të dhënat e para mësohet se personi i seksit mashkull rreth moshës 30-40 vjeç i ka vënë vetes flakën me benzinë.
Ngjarja është shënuar në lagjen nr.4 të qytetit bregdetar, në rrugën “Mitat Hoxha”, rreth orës 17:43.
Policia e Sarandës bën me dije se punohet për indentifikimin e viktimës.
Grupi hetimor ndodhet në vendngjarje dhe po punon për sqarimin e rrethanave të ngjarjes.