Kryeopozitari Lulzim Basha i është përgjigjur kritikave të pak minutave më parë që kryeministri Rama bëri në adresë të PD, lidhur me programin e selisë blu.
Përmes një statusi në Facebook, Basha ironizon Ramën kur i kujton atij 300 mijë vendet e punës që premtoi të hapte.
“Pasi e qau programin e vet me 300 mije vende pune dhe shendetesi falas tani lideri global po merret edhe me programin e opozites. Ti thote dikush: fol me ngadale kur flet per zgjedhjet se te merret fryma…”, shkruan Basha.
Më herët Rama përmes komunikimit të tij javor në Facebook ka deklaruar se është skeptik për futjen e procesit të votimit dhe numërimit elektronik në zgjedhjet e qershorit.
Rama tha se opozita e trajton popullit “më keq se një kope delesh”. Sipas tij me këtë kërkesë opozita po kërkon të heqë përgjegjësinë nga humbja e zgjedhjeve të 18 qershorit.
“Realiteti sot nuk është rozë, ka luftë të madhe në çdo fushë… Dallim mes nesh dhe opozitës ishte i qartë në qeshorin e vitit 2013 dhe është edhe më i qartë sot…Fakti që ne pranojmë se nuk jemi të përsosur por kemi të meta. Me siguri kemi bërë gabime në tërë këtë punë të madhe. Por, kjo nuk e bën qeverinë e vjetër më të votueshëm se sa dje, por na bën ne më të besueshëm se sa dje”, tha Rama.
Sipas kryeminisrit nëse OSBE-ODHIR jep opinion pozitiv për votimin elektronik, “ne do ta pranojmë”.
