Shërbimi Sekret amerikan po punon në mbrojtje të dy kërcënimeve: Fizike dhe digjitale, gjatë inaugurimit të presidentit të zgjedhur Trump të premten.
“Fox News” raportoi këtë javë se personeli i Shërbimit Sekret kibernetik do të vendoset në të gjithë zonën e Uashingtonit, për të monitoruar infrastrukturën dixhitale përgjatë gjithë zonës ku do të mbahet ceremonia e inaugurimit.
Ish-agjenti i Shërbimit Sekret Larry Johnson tha për “Fox “News.com përmes email-it të enjten: “Shërbimi Sekret do të jetë i përfshirë thellë në monitorimin dhe mbrojtjen e të gjitha sistemeve kritike brenda një rreze prej 50 milje (energji elektrike, celular, ujë, etj) nga çdo lloj qasje e largët, ndërhyrje rrjeti, të cilat do të mund të bëhen nga një qeveri e huaj apo aktor i pavarur”.
Johnson shpjegoi se agjentët do të kqyrin nga afër për çdo aktivitet të pazakontë të rrjetit.
“Ata do të monitorojnë çdo aktivitet anormal…” tha ai.
Ekspertët kanë paralajmëruar tashmë se Shtëpia e Bardhë nën drejtimin e Trump do të jetë një objektiv i madh për hakerat. Sipas ekspertëve llogaria e presidentit në Twitter, për shembull, ka të ngjarë të hakohet e para.
Trump do të vazhdojë duke përdorur llogarinë e tij @realDonaldTrump kur ai të marrë detyrën, i tha ai “The Times” të Londrës në një intervistë të botuar të hënën. Trump, i cili ka 20.1 milionë ndjekës në Twitter, ka thënë se ai nuk do përdorë llogarinë e qeverisë @POTUS përdorur nga Presidenti Obama.
Më parë këtë javë grupi Anonymous paralajmëroi se presidenti i zgjedhur do ta pendohet “për katër vitet e ardhshme”.
