Mot i ftohtë e me reshje të dendura pritet të rikthehet sërish javën e ardhshme. Meteorologët parashikojnë se të dielën do të ketë një stuhi pothuajse në të gjithë vendin, ndërsa ditën e martë do të ulen sërish temperaturat në zero, dhe vendi do të mbulohet sërish nga dëbora.
Fillimi i 2017-s ka sjell mot të acartë dhe bllokime rrugësh në të gjithë territorin. Ndërkohë që në fundjavë parashikohet që moti të jetë i kthjellët. Veriu dhe juglindja e vendit është ende nën dëborë dhe ka pasur reshje edhe ditën e sotme.