Sipas Policisë së Tiranës vitin e kaluar janë shënuar 191 vepra penale më shumë se në vitin 2015. Statistikat e analizës vjetore flasin për 640 vepra penale, me 293 të ndaluar apo arrestuar.
Drejtori i Policisë së Tiranës, Ervin Hodaj tha:
“Statistikat flasin se janë evidentuar 640 vepra penale, me 293 të arrestuar/ndaluar, ose 191 më shumë se viti i kaluar.?Në shumë raste janë shmangur ngjarje të rënda brënda familjes te cilat janë bërë present edhe në media.?Duhet të vendosim objektiva konkrete për të luftuar këtë plagë të shoqërisë, duke përfshirë disa struktura bazike të policise si struktura e policimit në komunitet, seksionet e dhunës ne familje apo psikologu. Polici ne komunitet apo sic quhet ndryshe SPZ-ja, ka qënë hallka kryesore ne evidentimin dhe trajtimin e rasteve, por megjithatë duke parë shifrat puna është akoma e pamjaftueshme, dhe kërkon një ridimesionim të këtij shërbimi”, tha Hodaj.
Lidhur me statistikat për lëndën narkotike vetëm vitin e kaluar janë sekuestruar rreth 6 kg heroinë, 3 kg më shumë se 2015, rreth 3 kg kokainë dhe rreth 558 kg kanabis, rreth 375 kg më shumë se 2015.
Hodaj tha se vitin e kaluar janë ndëshkuar 175 punonjës policie.
Numrin më të lartë të telefonatave në sallën operative e zënë parkimi i gabuar ose aksidentet me 17121 raportime.
Në vend të dytë renditen telefonatat e pavlefshme, me 8538 raportime. Ankesa janë 8232 raportime, korrupsion 586 raportime, armëmbajtje dhe dhunë 467 raportime dhe vjedhje 438 raportime.
