Gjykata e Lartë ka shtyrë seancën ku pritej të shprehej për kërkesën e gjyqtares së pezulluar Majlinda Andrea dhe tre të pandehurve të tjerë, të cilët kërkojnë gjykim të shkurtuar.
Mësohet se procesi dështoi për shkak të mungesës së mbrojtjes së të pandehurës Eleni Lino. Ndaj seanca u shty për më datë 30 janar.
Prokuroria dyshon se ish-gjyqtarja e Gjykatës së Lartë Majlinda Andrea së bashku me katër persona të tjerë janë implikuar në dhënien e 50 mijë eurove në shkëmbim të një vendimi civil.
Burri i ish-gjyqtares, Odisa Andrea ka kërkuar gjykim të zakonshëm. Ai, i dyshuar si i implikuar në këtë aferë korruptive, u vetëdorëzua pak ditë më parë dhe ndodhet tashmë në “arrest shtëpie”.