Pas rikthimit në qelitë e burgut të ish-prokurorit të dënuar për korrupsion Haxhi Giu, ka reaguar avokati i tij duke thënë se Giu nuk mund të privohet nga amnistia.
Sakaq më herët kreu i Burgjeve Miklovan Kopani tha për “News 24” se Giu: “Është rithyer në ambiente civile të burgut” dhe jo në qeli. Sipas tij situata do të sqarohet shumë shpejt, sepse po bëhen kalkulimet e ditëve të burgut që ka bërë Giu, në mënyrë që ai të jetë përfitues nga amnistia sipas ligjit.
“Është se është rikthyer në ambientet e civile të burgut, dhe jo në burg. Duke bërë kështu kalkulimi e ditëve të burgut. Ne me korrektësi për zbatimin e ligjit kërkuam një hetim për vendimin e gjykatës. Zotëria nuk mund të privohet nga e drejta e tij pro për shkak se jemi në limite, ne pas shqyrtimit, me mirëkuptimin e Giut, do bëjmë vendime të mëtejshme. Deklarojmë se gjithë këtë situata do sqarohet. Si drejtor i Përgjithshëm i Burgjeve, në dijeninë time ish-prokurori nuk është nën hetim si funksionar publik, por si person që ka një vendim sepse janë 731 persona janë liruar. Giu duhet të jetë përfitues sipas ligjit”, tha Kopani.
Giu sot ka qenë një nga 731 të dënuarit që morën pafajësinë. Por liria për të ka zgjatur vetëm pak orë. Pasi me të mbërritur në banesë, ish prokurori i Fushë Krujës ka marrë një telefonatë të papritur nga drejtoria e Burgut të Peqinit. Urdhëri i prerë ishte se ai duhej të kthehej në burg. “Më telefonuan nga burgu, më kërkojnë të kthehem” ka pranuar vetë Haxhi Giu, sipas burimeve nga ‘Panorama’.
Mësohet se Giu ka thënë se i kanë kërkuar në telefon që të kthehet sërish në burgun e Peqinit, ndryshe do ta marrin me forcë.
Burime të “Panorama” thanë se Giu u rikthye në qeli pasi ishte e nevojshme një rishikim i plotë i dosjes së Giut, për të parë nëse përfiton apo jo nga amnistia.
Giu njihet si personi u që hetoi dosjen e “shekullit”, atë të vrasjes se deputetit të PD, Azem Hajdari.
Ish-prokurorit të Krujës, Haxhi Giut i kishin mbetur edhe 9 muaj e 17 ditë burg.
Gjykata e Apelit për Krimet e Rënda e dënoi ate me 2 vite e 4 muaj burg, duke lënë kështu në fuqi vendimin e shkallës së parë. Gjykata e Krimeve të Rënda vendosi dënimin me 3 vjet e 6 muaj burg. Ishprokurori i Krujës u gjykua me gjykim të shkurtuar, ndaj dënimi i tij shkon në 2 vjet e 4 muaj. Atij gjithashtu iu hoq e drejta që për tre vjet të ushtrojnë funksion publik.
Giu akuzohet për korrupsion pasiv. Prokuroria kishte kërkuar dënimin e Haxhi Giut me katër vjet burg. Sakaq, 1 vit e 4 muaj burg u dhanë nga gjykimi i shkurtuar edhe për Aleks Shporin.
