Një fëmijë 5-vjeçar me origjinë nga Kukësi por banues në Sauk, me iniciale A.Z., ka humbur jetën ditën e djeshme për shkaqe ende të pa konfirmuara në spitalin “Nënë Tereza” në Tiranë.
Dushimet e mjekëve mësohet se janë lidhur me një problem në zemër që mund të ketë patur vogëlushi dhe që më pas i ka shkaktuar atij vdekjen, por nga veprimet, policisë i rezulton se ka qenë gripi ai që i ka marrë jetën gjashtë vjeçarit. Në dosjen që policia i ka dorëzuar Prokuorisë, shkruhet se fëmija është shtruar në QSUT në datë 12 Janar dhe një ditë më pas ka ndërruar jetë në reanimacionin e pediatrisë.
Me kërkesë të familjarëve, policia ka nisur hetimet për të përcaktuar se çfarë i shkaktoi vdejen fëmijës gjashtë vjeç. Nga veprimet e kryera deri më tani policia dyshon se vdekja ka ardhur për shkak të komplikacioneve nga gripi, megjithatë do pritet vendimi përfundimtar i mjekësisë ligjore për të përcaktuar shkakun e vdekjes.
