Një 25-vjeçar në Itali ka humbur jetën, pasi e ka zënë korrenti në banesën e prindërve të tij. Sipas mediave italiane viktima është Gleraldo Ndreca, 25 vjeç. Ngjarja ka ndodhur në Moretta.
Raportohet se të riun shqiptar e ka zënë korrenti teksa po merrej me disa pajisje elektrike në shtëpinë e prindërve.
Mediat italiane shkruajnë se pavarësisht se i riu shqiptar është dërguar me helikopter në spital, ai nuk ka mbijetuar.
Gjyqtari ka urdhëruar një autopsi për të përcaktuar shkakun e saktë të vdekjes të shqiptarit.
