Tre shqiptarë janë arrestuar nga policia italiane pasi janë kapur me rreth dy kilogram ar të vjedhur në apartamente të ndryshme në Itali.
Tre të rinjtë u kapën për shkak se ata u konsideruan përgjegjës për një seri vjedhjesh që kishin nisur prej tetorit të kaluar në qytetin e Modena dhe Reggio Emilia, kryesisht neper banesa.
Mes të tjerave atyre iu gjetën edhe orë, kompjutera, kamera dhe më shumë se 4 mijë euro kesh. Ky është rezultati i një operacioni të Policisë në Reggio Emilia në bashkëpunim me policinë në Milano.
Mediat italiane shkruajnë se në pranga kanë rënë shqiptarët Darjel Prushi dhe Armando Dobrozi 21 vjeç, si dhe Xhoni Leka 20 vjeç.
Disa nga sendet e sekuestruara u gjetën në një makinë të parkuar në rrugën “Lodi”, e cila dyshohet se përdorej nga njëri prej shqiptarëve të arrestuar, i cili ishte në kërkim pasi kishte thyer një masë arresti shtëpiak që rëndonte më parë ndaj tij.
