Tropojanët kanë dalë sot në protestë duke kundërshtuar arrestimin e ish-kryeministrit kosovar Ramush Haradinaj dhe për të kërkuar lirimin e tij.
Ajo ka nisur në orën 12.00 në qendër të qytetit të Bajram Currit dhe më pas ka vazhduar si një Marshim me moton: “Liri për Kalorësin e Lirisë, Ramush Haradinaj”. Nën parulla si “Lironi heroin e shqiptarëve apo “Një Komb Një Qëndrim për Ramushin”, qindra qytetarë nga kanë kërkuar lirimin sa më të shpejtë t ëish-komandantit të UÇK.
Ka qenë Unioni Artistik i Kombit Shqiptar me kryetar Azgan Haklajn, organizatori kryesor I këtij tubimi, në bashkëpunim edhe me televizionin e Bajram Currit, shoqatën e Veteranëve të Luftës Nacionalçlirimtare dhe të UÇK-së, shoqatën e të Përndjekurve Politikë – dega Tropojë, Klubi i Shkrimtarëve e Artistëve Tropojë, shoqata “Xheladin Gosturani”, komunitetet fetare, dhe me mbështetjen e të gjitha partive politike të Tropojës dhe mbështetjen e veçantë të Bashkisë Tropojës.
Mësohet nga organizatorët se në këtë protestë marrën pjesë qytetarë nga të gjitha qendrat e viset e Tropojës, nga qyteti Bajram Curri, Nikaj-Mërturi, Krasniqja, Gashi, Bytyçi, Shipshani, Valbona, Fierza, etj. si dhe nga qytete e fshatra të Kosovës si të Gjakovës, Junikut, Deçanit, Pejës, etj. si dhe nga krahina shqiptare nën Malin e Zi.
Në muajin Mars të vitit 2010, Ramush Haradinaj, u zgjodh Qytetar Nderi i qytetit të Bajram Currit në Tropojë. Është pikërisht ky qytet ndër të parët në Shqipëri, që nesër organizon një protest për lirimin e ish-komandantit të UÇK-së nga burgu, ku gjendet prej disa ditësh në Francë.
