Mëngjesin e sotëm një makinë është gjendur brenda në det në Vlorë.
Policia e Vlorës ka dhënë zyrtarisht informacion ku bëjnë me dije se bëhet fjalë për një fuoristradë, por nuk kanë saktësuar markën e automjetit dhe targat e tij.
Makina u konstatua rreth orës 07:22 rreth 30 metra larg bregut.
Dyshimet paraprake kanë qenë se automjeti mund të ketë ngarkuar drogë në ndonjë gomone dhe ka mbetur në ujë.
Por, sipas policisë brenda mjetit nuk është konstatuar asnjë objekt i paligjshëm. Po punohet për nxjerrjen e automjetit nga uji dhe kanë nisur hetimet për të zbardhur shkaqet.
