Në profilin e tyre në Instagram, stilistët Dolce & Gabbana kanë postuar një mesazh ku falenderojnë Melania Trump, për zgjedhjen e veshjes së tyre, gjatë festimeve të vitit të ri në Florida.
Por edhe pse Melania është Zonja e Parë e SHBA, s’janë të paktë emrat e mëdhenj të modës që refuzojnë ta veshin atë.
Mbështetëse e zjarrtë e bojkotit të Melania Trump është padyshim Sophie Theallet, stilistja franceze, e cila ka veshur shumë herë më parë, Michelle Obama-n. Përmes një letre në rrjetet sociale Theallet ka sqaruar qëndrimin e saj, bazuar në papranueshmërinë e qëndrimeve raciste të presidentin Trump kundër emigrantëve.
Lista e stilistëve “antiMelania” është me të vërtetë e gjatë: Marc Jacobs, Derek Lam, Tom Ford, Phillip Lim, Carol Lim dhe Humberto Leon di Kenzo. Të gjithë të bindur se politika e Donad Trump është e papajtueshme me vlerat e tyre.
Me pak fjalë, veshjet e Melania Trump vazhdojnë të përbëjnë lajm.
Por ish-supermodelja Melania Trump i blen vetë veshjet, pa pasur nevojë t’i kërkojë askujt ndonjë favor. Mjafton vetëm të hapë portofolin.
