Kompanitë e Donald Trump kanë më shumë se 1.8 miliardë dollarë borxh ndaj 150 institucioneve, shkruan gazeta amerikane “Wall Street Journal” që ka cituar burime nga bursat Wall Street-it.
Pasuria e Presidentit të zgjedhur, Donald Trump, ka qënë padyshim një nga temat më të diskutuara gjatë dhe pas fushtës zgjedhore.
Sipas medias amerikane Trump do ta shfrytëzojë postin e presidentit për të ndihmuar institucionet, të cilave i detyrohet para.
Më herët, Donald Trump ka deklaruar 315 milionë dollarë borxh ndaj 10 huadhënësve të ndryshëm, por studimi i realizuar nga gazeta zbuloi se presidenti i detyrohet 1.5 miliard dollarë kompanive në të cilat është aksioner edhe ai vetë, ndërsa pjesën tjetër, kompanive të tjera.
Raportohet se këshilltari ligjor i George Bush-it dhe John McCain, Trevor Potter ka deklaruar se gjatë qeverisjes së tij, i vënë nën presionin e kompanive huadhënëse, Trump do të detyrohet të veprojë në favor të tyre, edhe nëse kjo nuk do të ishte zgjidhja e duhur.
