Alisa Shevchenko, është hakerja ruse e cila është vendosur në listën e sanksioneve të Shtëpisë së Bardhë, pasi dyshohet se ka ndihmuar presidentin rus Putin të ndikojë në zgjedhjet presidenciale në SHBA.
Alisa Shevchenko është një hakere shumë e aftë, e cila punësohet nga biznese të mëdha për të gjetur dobësi në sigurinë e tyre online.
Kompania e saj është përfshirë në listën e sanksioneve nga qeveria e SHBA-së gjatë javës së kaluar, ndërsa ajo mohon akuzat se është përfshirë në zgjedhjet amerikane, raporton ‘The Guardian’.
Sipas autoriteteve të inteligjencës amerikane, kompania e Alisa Shevchenko, e quajtur ‘Zor’ i ka ofruar informacione të rëndësishme inteligjencës ruse në lidhje me zgjedhjet në SHBA.
“Një vajzë e re, hakere dhe kompania e saj mund të duket si e përsosur për qëllimet e tyre. Unë nuk mundohem të fshihem, unë udhëtoj shumë, dhe jam një person shumë miqësor dhe komunikues. Unë nuk kam shumë pushet dhe para”- ka thënë Alisa Shevchenko duke mohuar akuzat e SHBA-së.
