Përplasja mes dy automjeteve ka qenë fatale mbrëmjen e djeshme në Laprakë ku humbi jetën një vajzë 28-vjeçare.
Lapsi.al me anë të një video tregon aksidentin tragjik.
Sipas policisë, 26 – vjeçari Ervin Bixhi udhëtonte nën ndikimin e alkoolit, kur u përplas me automjetin që drejtohej nga një oficer policie, 42 – vjeç Gj. K., banues në Tiranë, i cili ndodhet në Spitalin e Traumës jashtë rrezikut për jetën.
Fatkeqësisht, si pasojë e kësaj përplasje ka gjetur vdekjen 28 – vjeçarja me iniciale Xh. T. Ndërsa e plagosur ka mbetur 25 – vjeçarja me iniciale F. F, e cila gjithashtu ndodhet në Spitalin e Traumës jashtë rrezikut për jetën.
Aksidenti tragjik ne Laprake, vdes 28 vjecarjaa by lapsi-al
Dy të rejat ishin pasagjere në automjetin e 26 – vjeçarit Ervin Bixhi.
Ky i fundit është arrestuar nga policia. Nga këqyrja e kamerave të sigurisë shihet se 26-vjeçari është futur në rrugë teksa semafori ishte me të kuqe.
Kjo ka bërë që ai të përplaset me automjetin tip xhip që udhëtonte drejt sheshit “Shqiponja”.
