Prokuroria e Përgjithshmme, konkretisht sektori për verifikimin e personave, bazuar në ligjin e “dekriminalizimit” kanë marrë gjurmët e gishtave të 15 personave.
Burimet thonë se në mesin e këtyre individëve që kanë dorëzuar gjurmët e gishtave, janë deputetë, të zgjedhur në krye të bashkive apo këshilltarë bashkiak si dhe zyrtarë të administratës publike.
Nuk jepen detaje për emra konkretë, për të cilat do të publikohen pas rezultatit të verifikimit të së kaluarës së tyre kriminale. Marrja e gjurmëve të gishtave mësohet se është bërë për shkak se këta individë kanë përdorur emër dhe mbiemër tjetër gjatë kryerjes së krimeve në vende të ndryshme të BE-së.
Nga ana tjetër, deri më tani prokuroria ka kërkuar dhe KQZ-ja që të miratojë heqjen e dy mandateve të deputetëve dhe të një kryetari bashkie.
