Ndërrimi i viteve duket se ka sjellë me vete edhe një mesazh të qartë për të gjithë ata hajdutë të urbanëve në kryeqytet.
Kjo pasi Policia e Tiranës ka arritur që natën e ndërrimit të viteve, të vërë në pranga “makthin” e pasagjerëve në autobusë, një 33 vjeçar autor i vjedhjes së rreth 2 miliona lekëve nëpër xhepat e udhëtarëve.
Sipas policisë, në kuadër të finalizimit me sukses të operacionit të koduar “Fundviti”, u bë i mundur arrestimi i Ervis Takos, 33 vjeç, banues në Durrës, i dënuar më parë për vjedhje.
Arrestimi i tij u bë më datë 31.12.2016 tek ish-Stacioni i Trenit, dyshohet t’i ketë vjedhur në autobuz, shtetasit A. M, vlerën monetare, të 40.000 lekë.
Gjithashtu këtij shtetasi, i është arritur ti dokumentohet me prova ligjore se është autor i dyshuar i ngjarjeve si më poshtë:
-Më datë 31.05.2016, në rrugën “Asim Vokshi”, në autobuzin urban të linjës së Tiranës së Re, shtetasit G. T., i ka vjedhur, vlerën monetare prej 95.000 lekësh
-Më datë 15.07.2016, pranë ish stacionit të trenit, në autobuzin e linjës së Unazës, shtetases Amerikane B. P. C., i ka vjedhur portofolin me një shumë monetare prej 10.000 lekë dhe dokumenta.
-Më datë 10.08.2016, tek ish stacioni i trenit, në autobuzin e linjës së Unazës, shtetases E. M., i ka vjedhur vlerën monetare prej 80.000 mijë lekë dhe 130 euro.
Këtë aktivitet ky shtetas e kryente kryesisht tek stacioni i trenit në autobuzat urban.
Materialet i’u kaluan Prokurorisë pranë Gjykatës së Shkallës së Parë Tiranë për veprën penale të “Vjedhjes”.
