Nuk kanë të ndalur problemet për kreun e Bashkisë së Durrësit, Vangjush Dako.
Pas akuzave si i përfshirë në lirimin e Lul Berishës nga gjykata, tashmë Dako po has një tjetër problem, i cili nuk ka lidhje me punësimin e të dënuarve por me buxhetin. Kësaj here Vangjush Dako nuk ka pasur pas vetes edhe aleatin kryesor atë të LSI-së.
Ditën e sotme, këshilltarët e LSI dhe PD-së u bënë bashkë dhe rrëzuan Buxhetin 2017 të Bashkisë së Durrësit. Kjo e vë Dakon në një pozicion mjaft të vështirë. Ai deklaroi në mbledhjen e sotme se ky buxhet ishte më i madhi dhe më i miri në historinë e Bashkisë së Durrësit.
Mbledhja e Këshillit Bashkiak u shoqërua me debate të ashpra. PD dhe LSI thonë se disa zëra të Buxhetit janë të pajustifikueshme.
