Ditën e djeshme aktori i njohur shqiptar, Bujar Lako ndërroi jetë. Kjo i preku të gjithë ashtu si dhe personalitete të artit dhe kulturës por edhe politikanë. Vetë kryeministri i vendit Edi Rama e citoi Lakon në kornizat e ‘Amakord”, rubrikës së tij të përkujtimit të figurave dhe personaliteteve të spikatuara të vendit.
Ja çfarë shkruan Rama:
“Nuk besoj se do të kishte një regjizor të madh që s’do ta kishte dashur Bujar Lakon në fazën e lulëzimit mbresëlënës të talentit të tij kinematografik.
Aktori që luajti një mori personazhesh dhe, midis tyre, figura të shquara e të dashura të historisë sonë, rridhte nga një familje e rrënjosur fort në atdhedashuri dhe humanizëm. Prej nënës së tij, ai i përkiste njërit prej degëzimeve më fisnike të Frashërllinjve, derës së Sulejmanbellinjve.
U prehsh në paqe i shtrenjti Bujo, ylli yt në qiellin e kinemasë do të ndrisë përgjithnjë për të dëshmuar pavdekësinë e artit tënd!”
