Mos e hapni email-in dhe sidomos “attachments” dërguar nga përdorues me pseudonimin Whatsapp.
“Bëhet fjalë për një material që përmban viruse informatike,” shkruan Policia e Shtetit në profilin e saj në Facebook “Un avita da social”, shkruajnë mediat italiane.
“Për më shumë se një vit është konsoliduar mania e mesazheve zanore #Whatsapp që u janë shtuar mesazheve tradicionale në chat,” thuhet në postimin e policisë.
Përdoruesit e aplikacionit më popullor të momentit për mesazhet mund të dërgojnë një audio, në mënyrë për të shmangur bisedat e gjata që ndonjëherë janë të komplikuara për shkak të kohës ose për shkak se duart mund të jenë të zëna me diçka tjetër.
“Por ka një mashtrim, mundësisht i rrezikshëm që ka të bëjë me viruset që infektojnë kompjuterin tuaj,” paralajmëron policia.
Në të shumtën e rasteve kjo i lejon piratët informatikë që të kontrollojnë pajisjet e prekura nga virusi, duke arritur të verifikojnë në distancë kombinimet dixhitale të tasteve në tastierë.
