Policia e gjermane bëri të ditur se i ka liruar dy vëllezër të lindur në Kosovë, që ishin të dyshuar për përgatitje të sulmit në njerën prej qendrave më të mëdha tregtare në këtë vend, për shkak të mungesës së provave.
Të dy personat, të moshës 28 dhe 31 vjeçare, me origjinë nga Kosova, janë arrestuar dje, ndërsa Gjermania ishte në gjendje të lartë alarmi pas sulmit xhihadist në Tregun e Krishtlindjeve në Berlin më herët këtë javë.
Sipas agjencis së lajmeve AFP, policia në qytetin perëndimor gjerman, Esen, tha se “përkundër hetimeve të kujdeshsme” akuzat kundër dy vëllezërve nuk janë të qëndrueshme.
Policia kishte vepruar sipas një informacioni nga shërbimet e inteligjencës, që pretendonin se këta dy persona po planifikonion sulm në qendrën tregtare Centro, në qytetin gjerman, Oberhausen.
“Pasi u përcaktua sot se nuk ekzistojnë të gjetura të rëndësishme penale kundër dy personave dhe se nuk ka rrezik konkret, ata janë liruar nga arresti sot pasdite.