Qeveria gjermane planifikon të formojë trup qeveritar i cili do të tentojë t’i pengojë lajmet e rreme në internet, të lidhura me zgjedhjet parlamentare federale në shtator të vitit të ardhshëm, njofton korrespondenti i MIA-s nga Berlini.
Paralajmërimi për formim të këtij trupi vjen pasi autoritetet amerikane informuan se lajmet e rreme në rrjetet sociale, kanë ndikuar në rezultatet në zgjedhjet presidenciale në SHBA.
Gazeta “Shpigel” pohon se idenë për formim të “Qendrës për mbrojtje nga dizinformata” e ka dhënë kancelarja gjermane Angela Merkel, ndërsa sipas burimeve në Ministrinë e Punëve të Brendshm, e cila duhet të jetë përgjegjëse për trupin, për partnerët e tij qeveritar duhet të marrin vendim të shpejtë.
Qëllimet kryesore të këtij trupi, i cili do të pengojë publikim të gënjeshtrave dhe manipulimeve në internet, është mbrojtja e kategorive të rrezikuara të qytetarëve në rrjetet sociale midis të cilëve janë gjermanët me prejardhje ruse dhe turke. Të gjithë viktimat potenciale të lajmeve të rrejshme duhet të fitojnë “edukim të përforcuar politik”.
Ministri i Drejtësisë i Gjermanisë Hajko Mas para një jave u kërcënua se vendi do ta ndryshojë legjislacionin, me ç’rast do të mundësohet që nëse rrjetet sociale, si Fejsbuk, nuk i fshijnë lajmet e rreme në afat të caktuar, do të duhet të paguajnë dënime të larta në të holla të cilët do të lëviznin edhe deri në 500 mijë euro.
