Mjafton të jesh mik i Edi Ramës, dhe paratë e taksapaguesve shqiptarë rrjedhin lumë ne xhepat e tua, me dhe pa tender, por gjithëmonë në kundërshtim me ligjnin.
Kështu ndodhi me Vilma Nushin, kështu ndodhi me Pandi Carapulin, kështu po ndodh edhe me Shkëlzen Dolin. Një koncert të tij, që fillimisht u shit si “Filarmonia e Vjenës në Tiranë” dhe tashmë është katandisur në një ansambël privat të Dolit, po i kushton shqiptarëve sa qimet e kokës. Para nga Ministria e Kulturës, para nga Bashkia e Tiranës, para nga biletat e shiturat me çmime stratosferike, por ka edhe më shumë.
Sipas Kreut të Departamentit të Kulturës në PD, Arben Skënderi “Shkëlzen Doli pritet shumë shpejt të emërohet drejtor artisik në TVSH me një rroge speciale më shumë se dyfishi i Presidentit të Republikës”. Në një reagim ne rrjetin social, Skënderi sqaron më tej se edhe procedura që po ndiqet për financimin me paratë publike të këtij eventi është krej në shkelje të ligjeve. Skënderi thotë se kompania AGE production, e cila ka nënshkruar kontratën me Ministrinë e Kulturës dhe që ka marrë në llogarinë e saj tashmë gjysmën e fondit për organizimin e koncertit të madh, figuron e krijuar 4 muaj me pare, nga vete z. Doli, enkas për këtë ditë.
Pa asnje aktivitet artistik te meparshem siç e kërkojnë procedurat e përcaktuara nga Ministria e Kulturës, ajo do menaxhojë një fond mbi 300.000.000 milion lek të vjetra, (dhe këtu kemi parasysh vetëm fondet publike dhe biletat) në shkelje totale të ligjit…!
Kreu i Departamentit të Kulturës në PD, Arben Skënderi thotë se po ti referohemi ligjit për artin, ligji në të cilin është bazuar dhe procedra e ndjekur për këtë rast do konstatojmë që nuk mund të financohen sh.p.k apo sh.a., por vetëm individë dhe organizata jo fitimprurëse, dhe këto me shuma të mirëpërcaktuara, pasi nëse do të marrim shumën totale që Ministria e Kulturës financon do të duhej ta trajtonte me VKM të veçantë për procedurat e aktiviteteve në të tilla raste (kujtojmë këtu vizitën e Papa Françeskut, 70-vjetori i clirimit etj).
