Partia Demokratike ankimoi sot në Gjykatë Kushtetuese ligjin që parashikon ngritjen e Këshillit të Lartë Gjyqësor (KLSH) dhe të Këshillit të Lartë të Prokurorisë (KLP). PD në kërkesën e saj argumenton se përzgjedhja e anëtarëve të dy institucioneve është antikushtetuese.
Funksionimi i dy organeve të reja parashikohet në ligjin “Për organet e qeverisjes së sistemit të drejtësisë”, i miratuar më 3 nëntor në parlament, vetëm me votat e maxhorancës. Ligji percakton rregulla për mënyrën e organizimit dhe funksionimit të Këshillit të Lartë Gjyqësor, te Këshillit të Lartë të Prokurorisë, Inspektorit të Lartë të Drejtësisë, Këshillit të Emërimeve në Drejtësi, si dhe të Shkollës së Magjistraturës.
Ligji, pjese e paketes prej 7 ligjesh, që mbeshtesin zbatimin e reformes ne drejtësi, synon të garantojë pavarësinë, përgjegjshmërinë, cilësinë e përbërjes, transparencën dhe efiçiencën e vendimmarrjes së organeve të rëndësishme kushtetuese dhe përmes tyre mirëqeverisjen dhe pavarësinë e gjyqësorit dhe të prokurorisë.
