Operacioni i koduar “Ghost Shopping” nga policia e Romës çoi në pranga 5 prostituta që përveç parave që merrnin nga klientët, u vidhnin atyre edhe kartat e kreditit.
Operacioni u zhvillua pas hetimeve intensive prej 4 muajsh, ndërsa në pranga përfundoi edhe një 47-vjeçar shqiptar, pronar i një restoranti në qendër të Romës, ndërsa për gruan e tij u vendos “arrest shtëpiak”.
Hetimet nisën në muajin gusht pas denoncimeve se nga viti 2014, kishte pasur vjedhje nëpërmjet kartave të kreditit. Në krye të bandës ishte një grua italiane 61 vjeçe, e cila punonte gjithashtu si prostitutë.
Pas vjedhjes së kartës, menjëherë kryheshin blerje në një dyqan aty pranë, ndërsa numri i personave të dyshuar si të përfshirë në këtë aktivitet është 10.
Veprimtaria e gjithë secilit ishte e qartë, prostitutat u grabisnin kartat klientëve gjatë aktit seksual, ndërsa të tjerët bënin blerjet. Pjesë e skemës ishin edhe pronarët e disa dyqaneve, të cilët kryenin transaksionet e paligjshme.
Vjedhjet variojnë në shuma qindra mijëra euro dhe të ardhurat ndaheshin midis anëtarëve të grupit.
Shpesh viktimat nuk denonconin rastet për shkak të turpit. Përveç kësaj vjedhjes dhe posedimit të materialeve të vjedhura, policia u gjeti edhe marijuanë, hashash dhe kokainë.
Nga hetimet, janë zbuluar të paktën 16 vjedhje të kartave të kreditit, por numri është më i lartë për shkak të mungesës së denoncimeve.
