Prokuroria e Apelit Durres ka dorezuar sot rekurs ne Gjykaten e Larte kunder vendimit te Gjykates se Apelit Durres, e cila vendosi lirim me kusht per te denuarin Lulezim Berisha.
Prokuroria e Apelit Durres argumenton, nder te tjera, se nuk legjitimohet vendimi i lirimit me kusht per shkak te natyres se veprave te renda penale; per shkak te uljes se pajustifikuar te kohes se denimit nga gjykatat per te denuarin e burgosur per vepra te renda penale; si edhe per shkak te llogarive jo te sakta per kohen e burgimit.
Nga verifikimet e kryera, ka rezultuar ndër të tjera se Gjykata e Apelit Durrës, me vendimin e saj datë 05. 12. 2016, ka vendosur :
“…Pranimin e kërkesës së të dënuarit Luzim Berisha dhe lirimin me kusht nga vuajtja e mëtejshme e dënimit penal me burgim të dhënë me vendimin nr. 1, date 16. 01. 2012, te Gjykatës për Krime të Renda, i ndryshuar me vendimin nr. 175, datë 16. 07. 2014, të Gjykatës së Larte, për pjesën e mbetur të pavuajtur të dënimit, prej gjashte vjet e dy muaj e 22 ditë burgim…”.
Nga të dhënat paraprake, rezulton se Lulzim Berisha ka përfituar nga një seri e gjatë vendimesh gjykate për ulje dënimi, si edhe ka përfituar nga ligji i vitit 2012 – “Për Amnistinë”.
Gjithashtu, nga informacioni i publikuar në media, rezulton që në vendimin e Gjykatës së Apelit Durrës, shkruhet se “Bashkia Durrës, duke vlerësuar gjendjen e kësaj familjeje, sjelljen e tyre në komunitet, si dhe mundësinë e lirimit të të dënuarit, garanton punësimin e të dënuarit Lulzim Berisha, në pamundësi për tu punësuar në ndonjë subjekt privat”.
Në kuadër të këtij procedimi, Prokuroria Durrës po shqyrton ligjshmërinë e vendimeve të dhëna në kohë të ndryshme për të dënuarin Lulzim Berisha nga gjyqtarë të Gjykatës së Durrësit, për përfitim të uljes së dënimit, përfitimit të amnistisë, si dhe ndryshimin e vendit të vuajtjes së dënimit nga Burgu i sigurisë së lartë, në atë të zakonshëm.
Prokuroria e Durrësit ka dyshime të arsyeshme që zyrtarë të caktuar mund të kenë kryer veprime në kundërshtim me ligjin, me qëllim krijimin e kushteve për pranimin e kërkesës për lirim para kohe me kusht të të dënuarit Lulzim Berisha.
