Në një dalje për mediat gjatë mesditës, kryeministri Rama deklaroi se me rastin e festave të fundvitit ka vendosur që të shpërblejë pensionistët, familjet me ndihmë ekonomike dhe PAK.
“Ky vit ka një rëndësi të veçantë për mirënjohjen që njerëzit në nevojë u kanë dhënë reformave dhe janë përballur me kostot e tyre.
Paketë solidariteti që shkon në të njëjtën linjë me rritjen e konsiderueshme të pagave dhe me një rritje edhe pse jo të mjaftueshme, por të ndjeshme të pensioneve.
Për pensionistët qeveria do të verë në dispozicion fondin më të madh në 25 vite në vigjilje të festave, duke u dhënë çdo njerit prej tyre 60 mijë lekë të vjetra, e barabartë me shifrën e rritjes së pensionit.
Për familjet me ndihmë ekonomike do të jepet për çdo familje 20 mijë lekë të vjetra. Nga ana tjetër, për 2498 familje të përmbytura në vite do të jepen dëmshpërblimet përkatësisht për 594 familje në Tiranë, 513 në Fier, 498 në Durrës, 92 në Berat, 120 në Lezhë, 175 në Vlorë dhe 7 në Korçë.
Shumë që do të vendoset në dispozicion do të jetë nga 6.8 mln lekë të vjetra për familje deri në 110 mijë lekë. Fermerët e prekur nga dermatoza fond 3 mln dollarë dhe kompensim për çdo lopë”, deklaroi ai.
